Date: 01.02.2012
Training : 注射員課程
Time : 1900 - 2200 hours
Location : 禮堂 @ AMSHQ
（有讀者向筆者表示若果用廣東話原汁原味記載效果更佳，那筆者就在此先試行一篇…首先多謝那位朋友的意見 #hoho# ）
其實過咗急救考試、象山訓練營再加上今晚同下星期嘅注射員訓練同埋個實習試…再再加埋下星期嘅步操考試，我哋其實都開始出班倒數（定應該話其實由我哋知道全班 Pass 咗個 FA 考試嗰一刻開始就已經開始緊出班倒數？）
今晚我哋上嘅係注射員訓練，係一個兩晚連埋考試嘅速成課程（算係啦），內容主要講疫苗注射、注射藥劑種類同埋一啲設備之類…仲有就係一啲情況嘅處理方法等等。
咁呢晚就係由訓練學校丙組護士負責今晚嘅 Topic ，一路講一邊睇份 Note … 就咁睇圖或者無咩反應，但可能當你要真係拎住枝針同人打針，或者會手騰腳震 [sosad] 好老實我都懷疑緊自己會唔會咁 :o) [banghead]
係喇，講起打針…我入隊前曾經喺一個師兄嘅 Yahoo Blog 見過一張相，係隊員間「互拮」，心諗「唔是嘛？」，原來嗰個「互拮」係衛生防護課嘅人先會咁玩，我哋班新仔係拮公仔，咁拮咩公仔呢？相信各位都應該見過，俾小小提示大家…係一隻好鍾意蜜糖嘅熊仔。
估到未？…仲未估到？唔係嘛，咁簡單都唔識？咪係佢囉！終於第一次見到實物，睇落應該幾耐歷史…因為我對上一次見佢（圖片）係幾年前嘅事…可能再早啲！ [shocking] @_@
係喇，係佢喇…Winnie the poor pooh … [爛GAG]俾人拮咗咁多年仲唔 Poor ？[/爛GAG] [sosad] （題外話：有位眼利嘅女同學一埋嚟就話隻公仔係假嘅。果然係專家，好有研究…當然筆者無玩公仔所以根本無留意呢啲嘢，而我亦只好相信 [sosad] ）
然後呢堆嘢（除咗枝咪）就係平時做打針更或會用到嘅嘢…跟住落嚟會略略解釋吓呢堆嘢主要係做咩。
（圖一：由右起：回針器、空嘅注射器、預先注入藥物嘅注射器、消毒濕紙巾同埋原子筆）
（圖二：利器筒…無記錯好似係咁叫。）
一般嚟講，我哋主要會有三種藥劑：安瓿瓶 Ampoule 、管瓶 Vial 同埋上圖一枝枝包起咗，預先注好藥物嘅注射器。
呢枝就係安瓿瓶，外形就好似呢枝嘢咁（廢話 :o) ）屬一次使用藥劑。
- 取自港台節目《火速救兵 - EP2. 護愛》
啪斷佢頂部再抽取瓶內藥物進行注射，之後用淨幾多都無辦法要即刻扔咗佢…好晒料。
有見及此就出現咗下圖一種叫 Vial 嘅藥劑形態出現。
起初我以為係拮爆個蓋去抽啲藥出嚟，但諗深一層…乜枝針可以硬到拮穿個蓋咁勁！？ :o)
後來個訓練學校護士講，無錯係拮穿…但唔係拮穿個蓋，而係個樽蓋中間一層好厚嘅軟膠，俾枝針直接拮入去抽藥，枝針抽離咗樽，咁嗰陣軟膠就會自動埋口，方便下次使用，而且通常係急症室會存放咗呢種藥劑（例如破傷風針），使用方法就好似上面張圖咁。
最後一種就係上面提過嘅預先注入藥物嘅注射器，另一種更懶嘅方法（好似係），係藥廠一早調好晒藥物份量，一拆開封套、開針 Cap 就用得嘅「懶人針」（講到尾都係懶… :o) ）
其實就應該係一啲 Fixed 死咗份量嘅藥或者緊急情況用嘅救命針…但上堂並無詳細介紹，所以呢到亦唔會再講。
至於最左邊一個好似筆座嘅回針器，其實係咁用嘅…（好「高」科技嘅發明 [sosad] ，不過其實都係為咗注射員自身安全著想啫）
不過用完之後通常直接扔入去上圖黃色嘅利器收集箱入面…所以呢個「回針器」感覺用途唔大 :o) [sosad]
講到呢到，上半部份就完咗，之後下半部份就係睇教學 Video。話說我同幾位同學一路睇一路笑…唔係拍得好笑，而係條片嘅配合太搞笑，點解一段咁嚴肅認真嘅教學影片，配嘅 Background music 反而咁歡樂 [sosad] ？
今晚到此為止，預告下星期就到下半部份（好似係）同埋實習試 #hoho#
沒有留言:
張貼留言