說時遲那時快,轉眼間為期十三週的步操訓練(未計翌年的步操考試)亦完滿結束了,在今篇將會寫一篇「綜合感受文」作為對步操訓練部份的總結。
感受篇
Oh can you feel our spaghetti sweat and tears …
由第一晚訓練開始,就知道班上的同學來自不同UG,亦有人好似筆者一樣是完全是所謂的「菜鳥上路」。回想第一晚就是學Attention、 Bend the Knee、Stand ease 三個動作,都花了很多時間練習,記得早一晚因玩夜了結果在晚上的訓練感到吃力,而且天氣炎熱結果的緣故操了一陣子就覺得頭昏脹,結果當晚連番出錯,不斷被 FDI 訓斥,結果當晚我說得最多就是「Sorry Sir」…回到家後更是嘔吐大作。 正因為「一子錯,全世界都大鑊」…隊中一個兄弟做得慢,做錯動作, FDI 都會毫不猶豫的大叫「AS YOU WERE」。全世界再做多遍,做到 FDI 滿意為止…有陣時,如果不斷的重覆犯錯, FDI 會毫不客氣當住操場所有人,走過來將你「散到立立令」。此舉不止浪費所有人時間、影響教學進度、自尊心受損…誰管你是剛放學放工便回來總部不夠時間還是什麼手軟腳軟無氣力,NO EXCUSE,這都是你的問題。至於同學們訓練初時沒默契,打數節拍時快時慢,不統一,結果令其他師兄師姐跟到「裙甩褲甩」,但 FDI 都從不可憐我們,反而會加以冷嘲熱諷,就是想迫自己跟其他人動作同步化,透過操練期間的群眾壓力自行體會何謂「Team」、「Team Spirit」。 進入操場的時候,請先放下「樽鹽」。因為在操場上是無尊嚴可言,就算有都會被 FDI 們消磨得一乾二淨… 由頭幾堂感覺自己各有各的操,帶住幼嫩得明顯未熟練的動作,不斷被 FDI 在操場上毫不客氣的放聲訓斥,漸漸變到現在同學們都建立了默契;士氣都被 FDI 建立起來了,雖然偶爾出錯但都表現滿意。 但「放工之後無阿Sir」,儘管操場上的 FDI 凶狠無比,罵人毫不留情,只要離開操場或他們下班後都很 friendly 的 :)
士氣上升,一嗚驚人
就這個訓練而言,相信令筆者或372的同學們最為難忘的…無庸置疑都是第十一晚訓練的下半場,當晚我們正式學 Form Squad ,由最初向前走四步都走亂而被 FDI 毫不客氣訓斥頭排,到我們整隊 squad 都做到一個隊形出來, FDI 都連聲叫好 #good# ,又要我們給自己掌聲獎勵一下自己,據372 fbck group的同學表示這是充滿戲劇性的一幕。那晚臨下課前數分鐘,R372的士氣都比以往更為高昂,不論動作和回「Yes sir」都是大聲而整齊,大概是所下的苦功得到 FDI 們的肯定吧。於是我回家稍作反思一下,一個成功的 FDI 不止要教得好,還要懂得如何把一群一星期見一晚的 Recruits 連結起來,使這群個體正正式式的成為真正的一隊人。一個小隊的士氣如何,關鍵在於訓練員如何去調節手上的教鞭。而事實證明了R372的士氣、精神已非常成功被建立起來了。
一Team人,齊上齊落
訓練期間同學間都熱心非常,稍有步操基礎的同學都會義不容辭的提點其他跟不上進度的同學,好讓他們能追回大隊進度,減低被 FDI 「糟質」的機會 … (但偏偏筆者相反,很享受被鬧 [sosad] ),除此之外亦要感激班上熱血的「搞事份子」(Event搞手),透過BBQ、行山等這些聯誼活動加速令R372的同學融合一起,打成一片。就一小隊而言,這都是一種建立默契士氣的方法,透過這些團體活動,一來可以增進各同學的友誼打破隔膜,二來於往後的訓練都有莫大裨益。 隨住派制服、磨鞋、步操技巧多方面支線發展下,可見我班的人越趨融洽 #hoho# 唯一到現在還不滿意的是,我總是操得很怪很不自然…但自己又無法控制。 :-(
說時遲那時快,轉眼間為期十三週的步操訓練(未計翌年的步操考試)亦完滿結束了,在今篇將會寫一篇「綜合感受文」作為對步操訓練部份的總結。
金句篇
接住來的部份…就是上 FDT 的時候, FDI 們的「金句」小輯錄,相信372的師兄師姐 或 曾經上過類似的 FDT 的你都會有所體會…
由於筆者記性太差,如有錯漏請通知筆者修改或追加 [sosad] [banghead] …(排名不分先後)
- 「慢呀。」
- 「慢!」
- 「Bend the knee 呀!」
- 「啲 Bend the knee 唔見晒呀!」
- 「唔齊呀,再做過啦,AS YOU WERE!」
- 「打數慢啲…」
- 「打數慢啲呀!」
- 「打數大聲啲!」
- 「打俾自己聽呀?咁細聲嘅!?」
- 「劈哩啪啦…劈哩啪啦…燒炮仗呀而家?」
- 「我唔要燒炮仗呀吓,再做過!」
- 「咁搞笑嘅你哋?叫你哋操錯你哋又操返啱,叫返你哋操啱又同我操錯㗎喎…?」
- 「拿,唔打數咪亂囉…」
- 「唔好搶數呀吓。」
- 「發夢。AS YOU WERE !」
- 「錯腳呀,Changing step 啦。(!)」
- 「聽 Command 呀!」
- 「知唔知呢個動作係專為你而設㗎?」
- 「你知唔知而家要你做乜嘢?」
- 「阿囝(囡),你做錯喎。(喂,我話緊你做錯喎,無反應嘅?)」
- 「(阿囝 / 阿囡)返嚟未呀…?」
- 「你諗乜嘢呀!」
- 「阿妹妹你做乜嘢呀?」
- 「班長而家隻錶幾多點?」
- 「( 頭 / 中/ 尾 )排第ⅹ嗰個你做(搞)乜嘢呀!」
- 「笑乜嘢呀!同我出去笑到你唔笑先好返入嚟,MOVE!」
- 「企定咗就唔好郁!」
- 「打數咁快辛苦嗰個係你(哋)自己,我(哋)唔會可憐你!」
- 「隻手拉後啲!」
- 「望住對面德蘭中學…唔好望住我!」
- 「我唔要拖鞋踭!」
- 「面向有錢佬,MOVE!」
- 「抬高個頭,眼凝視前方…口部閉合!(保持呼吸暢順!)」
- 「習慣抬高個頭企,唔好Dup低個頭,如果唔係到你 Passing Out 嗰陣會好易暈低㗎喇…」
- 「唔好望地下,地下無嘢俾你望!」
- 「唔好衝前呀!!!(而家俾你望住對位都衝前!)」
- 「一手距離呀!」
- 「做咩隔左成個位㗎?俾邊個企呀?」
- 「一聽到 March 嗰陣,我唔理你當時做緊啲乜嘢,即刻同我踢隻左腳出去(唔好諗!),聽唔聽到!?」
- 「動作快啲!」
- 「夾實啲個人。」
- 「我唔要隻手飛起,大鵬展翅呀而家吓?」
- 「(同我)夾實個人嚟轉。」
- 「打數爽啲!LEFT!RIGHT!LEFT!我唔要 Left…Right…Left …咁呀吓!」
- 「轉定左就唔好郁!」
- 「我要嘅係 CHECK !UP !唔係 Check…Up 。(打數唔好咁"笠")」
- 「邊個上手呀!!?」
- 「啲 Cut 手去晒邊呀!?」
- 「你操得自然少少得唔得呀?」
- 「噓噓噓…喂…喂…喂!!(越來越大聲)呢邊呀!」 *這是我們有次前進的時候,頭幾排的師兄意外無視 FDI 的Right wheel 指令繼續前進,但 FDI right wheel 完才驚覺整隊人繼續向前推進沒有右轉,馬上從遠處「喂」回我們回來 [sosad]
- 「(錯咗就錯咗)唔好扮晒嘢呀…我睇到㗎…」
- 「你(哋)好趕時間呀?」
- 「對我有冇投訴!?」
- 「GOOD!」
- 「喂,唔好玩手指呀吓。」
- 「唔好以為人哋睇唔到,我喺側面望成個橫排散晒㗎!」
- 「拿而家唔係我唔放你哋呀,係你哋唔放自己㗎咋。」
- 「拿而家係你罰緊佢哋做多次㗎咋(,唔關我事㗎)。」
- 「俾啲勢人睇!個樣串啲!」
- 「操過檢閱台嘅時候個頭抬高啲,俾啲神出嚟…衰啲講句就好似你同檢閱官講:『係呀我今日 Passing Out 呀!』」
沒有留言:
張貼留言